 |
| الرجل الهلام |
الرجل الهلام
اجلس مسترخيا اسمع لكلام المذيع المتأنق في ملبسه وكلامه ونبرته، ينشر التسامح اللامحدود ويسكب بتاني دعوة عن نبذ العنصرية، فلكم دينكم ولي دين وما الداعي للتعصب لدين الله حاميه ولماذا نضيق على المرأة المسكينة ولماذا نغضب من اخوتنا في الإنسانية، فاذا كنت تؤمن بوجود إله حام فكيف تخاف من رجل مزق كتابا اوقرانا فكلام الله لا تضيعه نار، ولماذا نملا صدورنا بنار على أولئك الأشخاص بل بالعكس يجب ان نحزن عليهم ونتعاطف معهم فلهم ظروفهم التي لا نعلمها ولماذا لا نلتمس لهم العذر بالجهل.
وعندما تقلب الي قناة اخري يأخذك مسلسل تليفزيوني
" مش ممكن تكون الست المتبرجة دي عند ربنا أعظم من أي حد تاني"، "
طيب ليه نحكم بالمظهر وربنا رب قلوب عارف نيتها" ودي ست غلبانة " طيب
انت عايزها تقعد في البيت تطبخ وتربي العيال هو ربنا قال ده "
حوار مع شخصية دينية " ربنا لم يلزم المرأة
بالعمل في منزل الزوجية، الإسلام لم يلزم المرأة بخدم ام الزوجة حتى ولو مريضة
"
نقل احداث عن افتتاح كنيس يهودي في أبوظبي، و رجل
يردد بانه قمة التسامح و قمة العيش بسلام، و ما دخل الدين بالسياسة؟
الاخبار الرسمية تنقل افتتاح فخم لمواكب مومياوات
وتفاخر المذيع بالإنجاز وعلينا ان نفخر بكل هذه الإنجازات التي نقلت المواطن الي
مكان اخر، وعلى القناة الأخرى صوت مذيع يثرثر باننا يجب ان نتحمل الوضع الاقتصادي
الصعب ولازم نشيل فاتورة الإصلاح ومفيهاش مشكلة لما تزيد فاتورة عشرة خمستاشر جنيه
او يزيد سعر المواد الغذائية حاجة ففي الاخر نحمد ربنا اننا عندنا وطن ومش لاجئين
زي سوريا والعيراق.
لقاء عن سد النهضة وان السد مفيهوش مشكلة والمية
هتروح فين، اثيوبيا لازم تصرف مياة الامطار فمفيش خوف، ربنا حافظ مصر دي مذكورة في
القران والانجيل والتوراة.
فيه حملة تبرع لازمة كورونا من مرتبك علشان لازم
نقف جنب بلدنا، ولازم نساعد إسرائيل في الحرائق لان ده واجب انساني ولازم نفصل ده
عن السياسة وعين العقل ان لاعبنا لم ينسحب من مواجهة لاعب إسرائيلي ومش مشكلة لما
اتغلب في الاخر دي لعبة مش حياة حقيقية.
فيه بنت اتقتلت على اول الشارع، البنت كانت موديل،
الواد له حق يقتلها وخمسين قناة تروح عند البيت علشان تعرض الحكاية علشان
تعرف مين غلطان والمستشار قتل مذيعة ولازم يتم منع النشر.
استيقظت علشان اغسل وشي والحق أروح الشغل.
شارك برايك :