طرح أحد الأشخاص سؤالا على الفيسبوك عن وجبة تحتوي على الفسفور ولا تكلف سوى 15 جنيها (اقل من دولارا أمريكا- سعر الدولار الأمريكي = 19.4 جنيه مصري). فكانت هناك من الاقتراحات الجيدة، والكثير من الاقتراحات التي لا تخلو من الفكاهة. نستعرض اقتراحات الأصدقاء ثم نوضح اهم الأطعمة الغنية بالفسفور.
اقتراحات بوجبة في حدود 15 جنيه وفيها فسفور:
- نصف بسريا بخمسة جنيه وكيس طحينة بتلاته جنيه ونصف باذنجان واعمليه بخل وتوم بسته جنيه واشتري عيش من بطاقة التموين وكمان كدا وفرت جنيه بحاله هههههههههه
- ٣ كيس شيبسي بطعم الجمبري
- هات طعم وبوصه وروح على اي ترعه واصطاد مش هتلاقي سمك طبعا هتروح تعبان وتنام والحمدالله
- كل البقوليات تحتوي على فوسفور والبيض والقمح والشوفان
- اندومي بالجمبري 😂
- ب 5جنيه بساريه وب 4جنيه عيش وب 6جنيه طعميه ع وبطاطس من سوق الأربعاء
- علبه تونة صغيره
- اندومي بالجمبري وكيس شيبسي بالكباب
- قشر جمبري
- رنجيا صغيرة وجرجير
- صفار البيض
- اطلب وجبه ديل السمكة جميله وممتازة حتى اسال القطه
- علبة تونة مفتتة ب 11 جنيه ورغيفين عيش بلدى وبالهنا
- علبة سردين
- ربع كيلو رنجة
- 3سندوتشات طعميه وسلطه من غير مخلل علشان شويه المخلل ب 3جنيه لوحدهم
- هات عيش واكتب عليه فسفور 😂
- سندويتش بيض وكيس شيبسى بالجمبرى
- عدس ... اهوه كله فسفورات
- ٣بيضة ٢رغيف
- طبق شربة كوارع
- توصل لحد سوق السمك وترجع تاني وكده تبقي عنب
- بساريا
- جبنه نوستون 😂😂😂
- نص كيلو بساريا وشوية سلاطه خضرا وألف هنا وشفا
- خمس بيضات بالبصل والسمنة البلدي
- سمك البساريا سعر الكيلو من جنيه 15 الى 20 جنيه
الأطعمة المحتوية على الفسفور
- الأطعمة الغنية بالبروتين كالمأكولات الحيوانية مثل اللحوم والدجاج والبيض والحليب الجبن الزبادي و المتوتزيلا
- الأطعمة البحرية كالسمك والسلمون
- المأكولات غير الحيوانية مثل البقوليات المجففة وبذورها مثل العدس الفاصوليا والأرز والكاجو
- تحتوي العديد من الأطعمة الجاهزة سواء كانت مجمدة أم مغلفة أم مُعلبة على الفوسفور كمادةٍ حافظة أو مُضافة.
- وكذلك تحتوي المنتجات المخبوزة وخلطات المخبوزات على الفوسفور كمادة تمنع التكتل.
يؤخذ بعين الاعتبار ان:
- امتصاص الجسم للفسفور الموجود بالأطعمة الحيوانية اعلي من امتصاصه من الفسفور الموجود بالأطعمة النباتية.
لو لديك اقتراحات اخري او ملاحظة سجلها بالتعليق أسفل الموضوع.
شارك برايك :